РСБСП: За време на новогодишните празници возете одговорно и безбедно
Бидете внимателни за време на Новогодишните празници. Возете одговорно и безбедно, апелираат од Републичкиот совет за безбедност на сообраќајот на патиштата (РСБСП).
Од РСБСП препорачуваат во текот на Новогодишните празници да не се вози под дејство на алкохол. возачите да ја прилагодат брзината на условите на патот и да ги почитуваат правилата за нејзиното ограничување, да не се користи автомобилот доколку немате потреба, да се користи зимска опрема. Се препорачува возилото да биде технички проверено и исправно, постојано да бидеме информирани за состојбата на патиштата, да се внимава на ниските температури и на појавите на снег и голомразица. Од РСБСП наведуваат дека не треба да се користи и мобилен телефон додека возите, да се користи сигурносен појас и да се почитуваат ги правилата и сите учесници во сообраќајот.
– Новогодишните празници се време за одмор и уживање, за радост, споделена среќа и дружење со најблиските! Токму затоа тие се и период на поголема раздвиженост на луѓето, зголемен број на возила на патиштата и повеќе патувања. Прославете ги одговорно и возете внимателно и безбедно. Не дозволувајте непромислена грешка во сообраќајот да го наруши спокојството и благодетот. Обрнете внимание на зголемената фрекфенција во сообраќајот, вклучете се во него совесно, возете одговорно и патувајте безбедно до посакуваната дестинација, се посочува во апелот од РСБСП.
Заеднички интерес на сите нас, се подвлекува, е намалувањето на бројот на сообраќајни незгоди и подигањето на свеста за совесно учество во сообраќајот.
– Да покажеме дека културата на однесување во сообраќајот, особено за време на Новогодишните празници е на издигнато ниво. Заеднички да придонесеме за зголемувањето на безбедноста на секој учесник во сообраќајот, се вели во соопштението од РСБСП.
Ново на Сител
-
Масовната урбанизација го менува ликот на Охрид
-
Штипјани во хумана акција за прибирање 70 000 евра за лекување на медицинската сестра Сибил Омерова
-
Преглед на вестите од светот
-
Анализа: Криза во Уставен ако во понеделник не се избере наследник на Кацарска
-
Тема на денот Моника Зајкова. претседателката на ЛДП
-
ОЈО го достави обвинението до Кривичниот Суд за убиството на Вања и Панче
-
Пропадна 6-тиот обид за изборот за претседател на Уставен
-
Избори во СДСМ