САД: Неодамнешните тестови со балистички ракети на Северна Кореја беа „загрижувачки и контрапродуктивни“
Неодамнешните тестови со балистички ракети на Северна Кореја беа „загрижувачки и контрапродуктивни“ за напорите за намалување на тензиите, а Пјонгјанг треба да се вклучи во преговори наместо такви активности, изјави американскиот специјален пратеник за Северна Кореја.
Обраќајќи им се на новинарите по средбата со неговиот јужнокорејски колега во Сеул, специјалниот пратеник на Вашингтон Сунг Ким потврди дека САД се посветени на истражување на „одржлива и суштинска дипломатија“ со Северна Кореја.
– Нашата цел останува целосна денуклеаризација на Корејскиот полуостров. Затоа, ние веруваме дека неодамнешното тестирање на севернокорејската балистичка ракета, уште едно од неколкуте во изминатите шест недели, е загрижувачко и контрапродуктивно за постигнување напредок кон траен мир на Корејскиот Полуостров, нагласи Ким.
Досега, Пјонгјанг ги отфрлаше американските апели, обвинувајќи ги Вашингтон и Сеул дека зборуваат за дипломатија додека ги зголемуваат тензиите со сопствените воени активности.
Минатиот четврток Пјонгјанг оцени дека реакцијата на САД на тестирањето на балистичка ракета лансирана од подморница е претерана и тврдат дека се работи за одбранбено оружје.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка