Сасоли: Европскиот парламент очекува преговори со Северна Македонија и Албанија
Европскиот парламент очекува отпочнување на преговорите со Северна Македонија и Албанија, истакна претседателот на Европскиот парламент, Давид Сасоли, на прес-конференцијата за Брегзит одговарајќи на новинарско прашање, јави дописникот на МИА од Брисел.
Прашан што значи Брегзит за политиката на проширување на ЕУ, претседателот Сасоли потсети дека пред неколку дена оствари средба со сите спикери на парламентите од земјите на Западниот Балкан.
– Се надеваме дека ќе можеме да започнеме преговори со Северна Македонија и Албанија, нашата позиција ви е добро позната. Потребно е да влеземе во дијалог, толку многу промени нѐ очекуваат, економски, социјални, безбедносни кои нѐ засегаат сите, и разговорите со претседателите беа многу значајни, изјави Сасоли.
Претседателот на европскиот пратенички дом упати порака и до евроскептиците во Британија, но и во Европската Унија.
– Има сили кои се обидуваат да ја ослабат ЕУ, која е нивната агенда? Ние сме најголемата економија на светот и сакаме да се воспостават правила затоа што правилата ни помагаат да ги заштитиме најранливите граѓани, без правила владее законот на џунглата, без правила најранливите ќе бидат притиснати од најсилните, а тоа не е Европската Унија, изјави Сасоли предизвикувајќи гласен аплауз во прес-салата.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата