Саудиска Арабија ќе организира аџилак во Мека оваа година

Саудиска Арабија ќе организира аџилак во Мека оваа година, но под посебни услови со цел да се спречи ширењето на коронавирусот, јави денеска саудиската државна телевизија.

„Механизмот и условите за одржување на аџилакот ќе бидат објавени подоцна оваа година“, се вели во соопштението на Министерството за аџилак.

Минатата година Саудиска Арабија дозволи ограничен број верници да дојдат да се поклонат на најсветото муслиманско светилиште. Оваа година, аџилакот треба да се одржи кон крајот на јули.