СДСМ: Цената за продаденото земјиште е формирана од ВМРО-ДПМНЕ

Пред да излезат на прес-конференции и неосновано да обвинуваат, во ВМРО-ДПМНЕ треба прво да се запознаат со темата за која зборуваат.

Државното земјиште кое е продадено спроти зградата на „Нова Македонија“ е продадено по цена која е формирана токму за време на владеењето на ВМРО-ДПМНЕ, со потпис на Никола Груевски.
Ова се последиците на нивното долгогодишно узурпирање на Центар.

За тоа постојат и документи кои потврдуваат дека преку „Уредба за висината на надомест за приватизација на градежното земјиште што се приватизира, начинот и постапката за наплата на надоместот за приватизација на градежно земјиште“ е одредена цена за приватизација на градежно земјиште согласно намената на објектот што на него ќе се гради.

Според таа Уредба со потпис на Груевски, објавена во Службен весник во 2011 година, цената за метар квадратен земјиште во Општина Центар, во централно подрачје, за изградба на комерцијални деловни објекти изнесува 438 денари.
По таа иста цена е продадено и земјиштето што го посочува ВМРО-ДПМНЕ.

СДСМ како одговорна политичка партија ќе преземе чекори за промена на сите закони и уредби од времето на ВМРО-ДПМНЕ кои се уште предизивкувата штета, вклучително и споменатата.

СДСМ – реакција на прес-конференцијата на Синиша Ивановски од ВМРО-ДПМНЕ