СДСМ: Инсталиравме 450 мегавати, создаваме чиста енергија од нашето македонско сонце

Енергетските политики на СДСМ даваат резултати, енергетската транзиција е реалност, создаваме чиста енергија од македонското сонце.

За 20 месеци инсталирани се 450 мегавати од обновливи избори на енергија, што е капацитет доволен да ги обезбеди потребите на над 135.000 домаќинства.

За споредба ДПМНЕ до 2016 година имаше инсталирано само 18 мегавати обновливи извори на енергија.

До крајот на годината ќе бидат инсталирани и ставени во мрежа околу 600 мегавати од обновливи извори на енергија, што е повеќе од капацитетот на цел РЕК Битола.

Новите проекти, како последната инвестиција во фотоволтаичната централа кај Новаци, од 55 мегавати, го зголемуваат домашното производство на енергија, со што се намалува увозот, се зголемува енергетска независност на државата.

Следува изградба на најголемиот агриволтаичен парк „Стипион“ од француска компанија со капацитет од 400 MW, најголемиот ветерен парк Вирови, од исто така 400 MW од германска компанија како и нова когенеративна електрана на природен гас.

Овие проекти заедно со огромниот број на фотонапонски централи кои секојдневно се градат, овозможуваат енергетски премин на среден и долг рок.

Порастот на производство на електрична енергија од обновливи извори, ја заштитува животната средина и ги намалува сметките за струја на грѓаните.

Целта на стратешкиот пристап, посветеност и работа на СДСМ е земјата да биде лидер во зелената трансформација.

Центар за комуникации на СДСМ