Џет-Сет
24. November 2019 - 17:16

Се ожени синот на Цеца, снаата блесна во венчалниот фустан на пејачката

Синот на популарната српска пејачка Светлана Цеца Ражнатович, Вељко и неговата вереница Богдана Родиќ се заколнаа на вечна љубов во храмот Свети Сава на Врачар.

Мајката на Вељко Цеца го избра свечениот костум за оваа прилика и цело време беше со насмевка на лицето. Свештеникот кој ги венчаше младенците се пошегува во црквата пред гостите и роднините:

„Е мој Вњељко, имаш жена Богдана, а кум Христ“ Тоа е знак од Бога дека ги имаш сите услови да живееш како крал“, рече духовникот.

„Сега и официјално стана снаа“, додаде Цеца.

Цеца стоеше на страна додека Вељко и Богдана се венчаваа.

На венчавката која предизвика голем интерес кај српските медиуми и јавноста, се поканети околу 250 гости.

Фустанот кој на венчавката го носеше снаата на Цеца е истиот оној во кој пејачката се омажи за Аркан. 

Помеѓу овие две свадби, пред 15 години истиот фустан на својата свадбена церемонија го облече и сестрата на Цеца, Лидија Оцоколиќ.