Се тресе Балканот, два силни земјотреси денеска

Земјотрес 4,3 степени според Рихтер беше регистриран денеска во средишниот дел на Грција, пренесе ТАСС.

Податоците на Европскиот средоземноморски сеизмолошки центар, епицентарот на потресот бил на 106 километри северно од Атина и 78 километра источно од град Ламија. Тектонската појава се случила на длабочина од 10 километри под површината.

Нема информации за жртви и урнатини.  

Земјотрес со јачина од четири степени според Рихтер беше регистриран денеска во областа Газијантеп, во јужна Турција, јави турската телевизија НТВ, повикувајќи се на извештај на Дирекцијата за справување со непогоди и вонредни состојби.

Епицентарот на потресот бил во градот Нурдаги, на длабочина од 7,26 километри, пренесува БТА. Засега нема информации за повредени, ниту пак, за материјални штети.