Штрајк на вработените во атинското метро

Грчкиот главен град Атина денеска е без подземна железница, поради 24-часовен штрајк на вработените во атинското метро.

Штрајкот го организира синдикатот на работниците во јавниот транспорт СЕЛМА во знак на протест поради владините планови за приватизација на компанијата-оператор на метрото СТАСИ.

Во соопштението на СЕЛМА, се посочува дека плановите за приватизација на СТАСИ ќе предизвикаат хаос во градскиот превоз во Атина, од кој ќе страдаат не само вработените во метрото, туку и стотици илјади жители на грчкиот главен град.