Шумски пожар кај кочанското село Пантелеј
Силен шумски пожар избувна доцна попладнево кај кочанското село Пантелеј, на падините на Осоговските Планини и зафати поголема површина со букови дрва, нискостеблести и друг вид стебла.
Според известувањето од Територијалната противпожарна единица од Кочани, по дојавата за огнот тие веднаш излегле на терен со четири возила и десет пожарникари, а на помош притекнале и нивните колеги од Виница.
Во интервенцијата за гаснењето учествуваат и вработени во подружницата „Осогово“ на ЈП „Национални шуми“, како и месно население.
Благодарение на брзата интервенција на противпожарните единици спречено е огнот да се приближи кон селото Пантелеј, а поради ветерот се проширил кон поширокиот шумски предел на Осоговијата. Во моментот трае акцијата за локализирање, а дежурни противпожарни екипи ќе останат и во текот на ноќта.
Засега нема индиции за причините што ја предизвикале огнената стихија, иако првичните претпоставки се дека во прашање е човечкиот фактор со оглед што огнот најпрвин бил забележан во близина на помошен земјоделски објект.
Ново на Сител
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња
-
Турција: Офанзивата во Рафа е уште едно воено злосторство на Израел
-
Германија поради европското фудбалско првенство воведува контроли на сите граници