Швајцарија на референдум гласа за слободното движење со ЕУ
Швајцарија денеска гласа на референдум за тоа дали да го раскине договорот со ЕУ за слободно движење на луѓето.Референдумот се споредува со кампањата за брегзит во Велика Британија, што доведе до одлука на државата да го напушти блокот.
Поддржувачите на укинување на договорот велат дека тој ќе и овозможи на Швајцарија да ги контролира своите граници и да ги избере имигрантите што сака да ги прими, додека противниците предупредуваат дека таквата здрава економија ќе се втурне во рецесија и ќе ги лиши стотиците илјади швајцарски граѓани од слободата на живеење и работа низ цела Европа.
Швајцарската Влада ги повика гласачите да речат „не“ за напуштање на договорот на референдум, а министерката за правда Карин Келер Сатер процени дека тоа ќе создаде ситуација „полоша од Брегзит“.
Предлогот за раскинување на Договорот за слобода на движење на луѓето со ЕУ дојде од крајно десничарската антиимигрантска Швајцарска народна партија, која тврди дека на земјата мора да и се дозволи да постави ограничувања на бројот на странци кои доаѓаат во Швајцарија
Сепак, анкетите предвидуваат дека предлогот нема да биде прифатен, а според едно истражување, 63 отсто од испитаниците се против тој предлог.
Швајцарија одамна одлучи да не влезе во ЕУ, но сака пристап до Европската зона за слободна трговија и сака да соработува со Брисел во области како што се транспортот, животната средина, истражувањето и образованието.
Ново на Сител
-
Државна матура ќе се полага во училиштата кои имаат просторни услови, за сите други тестирањето ќе биде на факултетите
-
Тројца пациенти денеска се враќаат од Шведска и Грција
-
Роднина со пиштол под закана го држел во заложништво барајќи да го вработи и да му препише возило
-
Палчо бил мемориран како „Царот“ во телефон на Кешишев
-
Во Брисел утре состанок на министрите за надворешни работи на НАТО
-
Се изготвува новиот Закон за пожарникарска служба, по што ќе бидат зајакнати капацитетите на пожарникарските служби, најави Мицкоски
-
Директорот на БЈБ при МВР Јанев ја отвори работилницата на Интерпол која денеска и утре се одржува во Скопје
-
Криминалното однесување ќе се санкционира, па и да се најблиските околку мене, порача премиерот