Шведска сака да набави ракети со долг дострел кои можат да погодат цели длабоко на руска територија

Шведската армија сака да набави ракети со долг дострел кои можат да погодат цели длабоко на руска територија, изјави министерот за одбрана на скандинавската земја, Пол Џонсон.

Во извештајот усвоен од владата оваа недела, шведските вооружени сили изјавија дека сакаат системи за оружје со дострел до 2.000 км, што ќе им даде можност да напаѓаат критична инфраструктура лоцирана далеку зад непријателските линии.

-Искуството од војната во Украина покажува дека Русија активно ги развива своите способности за удар со долг дострел со крстосувачки и балистички ракети, како и беспилотни летала, рече Џонсон. „Треба да изградиме поголемо средство за одвраќање од оваа закана“, додаде тој.

Растојанието меѓу Москва и Стокхолм е околу 1.000 км. Шведските воздухопловни сили нарачаа крстосувачки ракети „Таурус“, кои можат да погодат цели на оддалеченост до 500 км, но Џонсон посочи дека може да се разгледа и набавка на други системи.

Шведскиот министер, исто така, рече дека се очекува Русија да го зголеми својот воен капацитет во следните пет години, поради што Шведска треба да ги зајакне своите капацитети за воздушна одбрана и разузнавање.

МИА