Си: Белорусија е вистински пријател на Кина

Претседателот на Кина, Си Џинпинг на денешната средба во Пекинг со белорускиот колега Александар Лукашенко изјави дека двете земји се прави пријатели и добри партнери, кои меѓусебно се однесуваат со искреност и доверба.

Си посочи дека Кина е подготвена да соработува со Белорусија на промоција на постојан развој на билатералните односи и заемно корисна соработка во мултилатерални рамки како што се Обединети нации и Шангајската организација за соработка и заедно да се спротивстават на хегемонијата и малтретирањето и да со зачуваат меѓународниот поредок заснован на правото.

Лукашенко на својата 15 посета на Кина се заблагодари на Пекинг за силната поддршка и помош за неговата земја и вети унапредување на соработката.

Минск бара помош од Пекинг за трансформирање и модернизација на својата индустрија, а минатата година официјално стана земја-партнер на БРИКС и членка на Шангајската организација за соработка.