Силен земјотрес во Индонезија

Земјотрес со интензитет од 7,4 степени според Рихтеровата скала денеска го погоди источниот дел на Индонезија.

Засега нема информации за евентуални жртви и причинета материјална штета, а издадено е предупредување за цунами.

Епицентарот на земјотресот се наоѓал на 112 километри северозападно од Ларантука, во источниот дел на индонезискиот остров Флорес, на длабочина од 12 километри.

Потресот бил почувствуван и во Макасар во јужниот дел на Сулавеси. По првиот, следеше земјотрес со јачина од 5,6 степени според Рихтеровата скала.