Силвестер Сталоне: Одлично е чувството да се вратиш од мртвите!

На социјалните мрежи на 18 февруари се појави известување дека актерот Силвестер Сталоне починал од рак на простатата, и дека својата болест ја држел во тајност, но и оти со неа веќе не можел да се бори.

Објавата е споделена 2.2 милиони пати, а со неа објавена е и фотографија на која актерот изгледа болно. Некои медиуми навеле дека станува збор за фотографии од снимањето на новиот филм „Крид 2“ во кој Балбоа се бори со ракот.

Сталоне на Инстаграм објави видео на кое се забавува со неговите ќерки, со што се докажа дека е жив.

Претходно, актерот изјави дека добро се чувствува, а на обожавателите им порача да ги игнорираат глупостите што се пишуваат за неговата смрт.