Слот по победата над Челси: Најтешкиот натпревар досега, вложивме неверојатен напор

Ливерпул славеше во дербито на осмото коло од Премиер лигата на домашен терен против Челси со 2:1, а тренерот на „црвените“ Арне Слот по мечот истакна дека ова бил најтешкиот тест за неговиот тим оваа сезона.

Ливерпул со победа се врати на првото место на табелата во меч кој лесно можеше да заврши и на друг начин.

- Многу натпревари беа тешки оваа сезона, но оваа беше веројатно најтешкиот. Не само поради големиот број на квалитетни играчи кои ги има Челси, туку и поради структурата. Се браневме со сите сили, вложивме неверојатен напор. Некои работи не ни одеа во прилог. Важен момент беше доделувањето, а потоа одземањето на пеналот кон крајот на полувремето. Поинаку ќе беше да беше 2:0 на полувреме. Вака примивме гол уште на почетокот на вториот дел. Но, успеавме да одговориме и да постигнеме втор гол. Покажавме кои сме, тоа е најважно, изјави Холанѓанецот по дуелот.

Ливерпул има уште едно дерби во следното коло, овојпат ќе гостува во Лондон кај Арсенал.