Снег и магла на патиштата - АМСМ со важна информација

Сообраќајот на државните патишта се одвива тековно по влажни коловози. Врнежи од снег со слаб интензитет има во Крива Паланка, Страцин и на планинскиот превој Стража, информираат од АМСМ.

Поради појава на магла видливоста е намалена на патните правци Гостивар-Кичево од 30-50 метри, Маврово 50, Виница-Берово 50 и на планинскиот превој Плетвар од 50-70 метри.

Во клисурите и усеците можна е појава на помали одрони, особено на патните правци: Кочани – М.Каменица - Делчево, Виница - Берово, Гостивар - Стража, Маврово–Дебар-Струга, Демир Капија – Удово, Катланово-Велес, Крушево - Демир Хисар и Ресен - Буково.

 ЈП Македонијапат апелира на внимателно возење и прилагодување на брзината  спрема условите на патот.