Со камион излетал од патот и загинал

Жител на беровското село Двориште го загубил животот откако со камион излетал од регионалниот пат Берово-Струмица.

Како што информира МВР, вчера во 21:45 часот било пријавено дека на регионалниот пат Берово-Струмица, на место викано „Костов мост“, товарно моторно возило „застава 8310“ со беровски регистарски ознаки, управувано од А.М.(54) од село Двориште, беровско, излетало од патот. На местото на настанот починал А.М.

Извршен бил увид од екипа на Полициската станица Берово.