Собрани над 10 милијарди долари на донаторската конференција за Сирија во Лондон

Земјите учеснички на донаторската конференција за Сирија во Лондон се ангажираа да обезбедат над 10 милијарди долари, со цел да им помогнат на луѓето кои се загрозени од сирискиот конфликт, изјави британскиот премиер Дејвид Камерон.

- Ова е најголемата сума собрана досега за еден ден за која било хуманитарна криза, истакна Камерон.

Тој нагласи дека од ветените финансиски средства, шест милијарди долари ќе бидат собрани оваа година, а останатите околу пет милијарди долари во периодот до 2020 година.