Сообраќајот тековно и без застои

Поради изведување на градежни работи на пат (асфалтирање), на патниот правец Р2235 од брана Маврово – с.Маврово, на ден 13.9.2023 г. (среда), сообраќајот ќе биде во прекин од 09:00 ч. – 16:00 ч. Сообраќајот ќе се пренасочува преку Бунец – с. Леуново – с. Никифорово – с. Маврово. 

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.