Фудбал
30. November 2022 - 8:31

СП 2022: Англија и САД изборија осминафинале

Репрезентациите на Англија и на САД се пласираа во плејофот на Светското фудбалско првенство. Ова е епилогот вечерва по одигрувањето на натпреварите од третото коло во Б-групата.

Англија во Ал Рајан го победи Велс со 3:0 со головите на Маркус Рашфорд (два) и Фил Фоден.

Во Доха, САД го совлада Иран со 1:0. Победничкиот гол е дело на Кристијан Пулишиќ во финишот на првото полувреме.

Табела Б-група: Англија 7 бода, САД 5, Иран 3, Велс 1.

Во осминафиналето на Мундијалот во Катар, Англија на 4 декември ќе се соочи со Сенегал, додека САД на 3 декември ќе игра со Холандија.