СПМ: Пендаровски во празно го потроши петгодишниот претседателски мандат

Социјалистичката партија на Македонија го дели мислењето дека Стево Пендаровски во празно го потроши петгодишниот претседателски мандат, во празни прераскажувања и сплеткарења, непримерени за еден претседателски кабинет, и без видливи резултати за граѓаните и со негативни последици за државата. Јавноста многу добро знае за неговиот кабинет како за дувло на интригантство и високо коруптивни скандали од неговите членови.

Пендаровски бара нов мандат, но не ветува што би правел за државата и граѓаните на Македонија, освен спроведувањето на криминалните политки и корупции на СДС и ДУИ.

Како апологет на промашените антимадкедонски политики на СДС и ДУИ, како човек со крајно неконзистентен став и политичар или политикант со рејтинг на статистичка грешка, изразува подготвеност за изборна трка за претседателските избори откако сите конструкции за поширока политичка поддршка му пропаднаа.

Потсетуваме на неговото истрчување со срамната изјава за националните чувства на Делчев, што се должи колку на неедуцираноста, толку и на лесното виткање кичма, сервилноста и инфериорноста на таканаречениот претседател со гума за бришење на македонскиот идентитет и историја.

Ќе потсетиме и на неговото манипулирање, отворено лажење и негирање, а потоа непримерено фалење за учеството во договарањето на срамниот "француски предлог", спротивен на интересите на македонскиот народ.

Овој самонабеден атлантист својата улога ја гледа во уште еден мандат послушништво и слугување на докажаните криминалци од власта во заминување, за што цената би ја плаќале македонските граѓани..

Пендаровски ветува дека со него ќе се прифатат бугарските уцени за промена на Уставот и за натамошната подреденост на Македонија под интересите на туѓи држави. Настапува со веќе виден цинизам и агресија дека тој е најдобар и е пред сите други кандидати, што наликува на шега која изнудува силно смеење, но и потсмев и сожалување.

Социјалистичката партија на Македонија укажува дека од ваков ткн. претседател на граѓаните им е преку глава и тие добро ги оцениле неговата неспособност и превртливост.

Со одлучно изборно против да му помогнеме на Пендаровски да ја оствари својата изјава за иселување од Македонија доколку не е претседател.