Србија и Црна Гора од идната недела ќе преговараат согласно новата методологија на ЕУ
Србија и Црна Гора ќе ги одржат своите први Меѓувладини конференции со ЕУ во рамки на новата преговарачка методологија на ЕУ усвоена минатата година, јави дописничката на МИА од Брисел.
Новата методологија предложена од страна на Европската Комисија беше одобрена и усвоена во март 2020 за идните земји кандидати што ќе започнат преговори со ЕУ, но беше отворена за земјите кои веќе преговараат да се вклучат на доброволна основа.
Оваа нова „засилена“ методологија предвидува зајакнато политичко управување со процесот и групирање на преговарачките поглавја во шест тематски кластери.
Белград и Подгорица прифатија да се приклучат кон овој обновен процес и првите Меѓувладини конференции за овие две земји во новата рамка ќе се одржат во вторник во Луксембург по Советот за општи работи на ЕУ.
Не е предвидено отворање или затворање на нови поглавја, потврдија ЕУ дипломатите.
– Целта е да се даде нов поттик на преговорите, овие две политички Меѓувладини конференции ќе обележат исчекор во преговарачкиот процес, сметаат од португалското претседателство.
Советот на ЕУ во последните месеци интензивно работеше на прилагодување на процесот со Белград и Подгорица на новата методологија.
– На Меѓувладината ќе се усвои новата методологија за двете земји, не е предвидено отворање и затворање на поглавја, потоа ќе се оди по кластери, целта е да се отвори кластер во блиска иднина, објаснија од Советот на ЕУ.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово