Средба на министерот Попоски со делегација од германскиот Бундестаг
Вицепремиерот и министер за надворешни работи Никола Попоски денеска оствари средба со претставници на парламентарната Комисија за избори, имунитет и деловничко уредување на германскиот Бундестаг, која престојува во дводневна работна посета на Република Македонија.
Министерството за надворени работи соопшти дека на средбата со германските пратеници се разговарало за актуелните внатрешно-политички состојби во Македонија, економските врски помеѓу двете држави, како и за соработката за македонската интеграција во Европската унија.
- Беше нотирана принципиелната поддршка на С.Р. Германија за евроинтеграцискиот процес на нашата земја, како и посветеноста кон исполнувањето на реформите за членството во ЕУ и НАТО. Воедно, беше поздравена и досегашната улога и поддршката од Бундестагот, се вели во соопштението.
- Потребна е зголемената извесност за интегрирање во ЕУ ако сакаме мир и стабилност и во регионот и во ЕУ, истакнал Попоски. Тој, стои во соопштението, потенцира дека интеграцијата на Македонија е дотолку важна за земјата што по влезот во ЕУ, историјата би се делела на пред и по членството во Унијата.
Од пратениците е изразена благодарност за клучната улога што Македонија ја имаше во менаџирањето на мигрантската криза и спречувањето на илегалната миграција.
Ново на Сител
-
Дарко Каевски тврди дека не е виновен
-
Турција ја одобри екстрадицијата на Љупчо Палевски-Палчо
-
Мицкоски: Очекувам ДУИ да оди во опозиција, немаме ни елементарна доверба за соработка со нив
-
Ново бебе алпака во скопската Зоолошка градина
-
Вучиќ: Една третина од новата српска влада ќе биде составена од нови луѓе
-
Осигурителните компании не ја почитуваат препораката на Финансии, полисите и денеска по повисоки цени
-
Следува период на променливо време со повремени локални врнежи од дожд
-
РКЕ: Само 2,75 отсто од струјата е од увоз, на праг сме до енергетски независна држава