Средношколци во Сител за Денот на медиумите

Средношколци од училиштата "Ѓорги Димитров" од Скопје, "Ацо Русковски" од Берово, "Зеф Љуш Марку" од Скопје и "8ми септември" од Тетово денеска беа во посета на ТВ Сител како дел од Медиумскиот ден 2024та кој го организира Институтот за комуникациски студии. 

 

Учениците читаа вести, водеа поткаст, учеа како се подготвува временска прогноза, отвораа кутии во "Се или нешто", "влетаа" во утринската програма и видоа каде се пејат најубавите песни на Мерак Меана. Со нив разговаравме и за дезинформациите, подготовката на вести, одговорноста на новинарската професија, работата на медиумите...

Им благодариме што беа наши гости.