Средношколецот Бранко Силјановски го фати светиот крст во Дебар
На традиционалното скокање по крстот, во духот на големиот Христијански празник Богојавление Водици, во Дебар најсреќен беше Бранко Силјановски, ученик во втора година во дебарската гимназија.
– Пресреќен сум. Ова ми е вторпат како скокам во осветените води во овој базен, а ете денеска ми се насмевна среќата да го фаќам светиот крст. Посакувам многу здравје, среќа, радост за сите. Бог се јави, за многу годни да ни е овој голем празник, изјави Бранко.
За него, како и за другото момче, Давид Василевски, кое скокаше по светиот крст годинешниот кум Коста Аврамовски, иселеник од Австралија имаше обезбедено награди.
– Во Австралија живеам повеќе од три децении, но секогаш во срцето ги носам Македонија и Дебар, каде што сум роден и каде пораснав. Секоја година од пред Божик до Водици сум тука во Дебар. Посакувам здравје, среќа, благосостојба за сите Македонци каде и да се, изјави Аврамовски.
Тој кумството им го предаде на Љупче и Татјана Узуновски, дебрани кои живеат во Скопје.
Светиот крст во базенот, кој се наоѓа во дворот на црквата „Света Петка“ го фрли намесникот на дебарската парохија, Миле Ангеловски.
На богослужбата и фрлањето на осветениот крст присуствуваа и поголем број дебрани кои живеат во други градови во државава.
Инаку, и Црковниот одбор, за двете момчиња, кои скокаа по светиот крст, обезбеди дарови а со пари Бранко го даруваа и верниците.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација