Стартуваше МИА школата за агенциско новинарство со фокус на теми поврзани со ЕУ
МИА од денеска ја стартува Агенциската школа за новинарство, на која околу 30 искусни новинари од Агенцијата и други медиуми, новинари почетници, но и студенти по новинарство ќе се обучуваат за покривање на теми поврзани со Европската Унија, политиките на ЕУ, процесот на преговори на земја-кандидат.
-Ова е можност за сите кои сакаат да се занимаваат со новинарство да добијат подлабок увид во она што значи ЕУ, искусните новинари, почетниците, но и студентите по новинарство да се обучат стручно да ги покриваат темите поврзани со Унијата, изјави пред присутните директорот и главен и одговорен уредник на МИА, Драган Антоновски.
Тој на учесниците им посака успешна работа и го потенцира значењето на медиумската писменост за професијата, која ќе се имплементира преку овие обуки, со цел новинарите да се стекнат со вештини во покривањето на теми поврзани со ЕУ.
Проектот за лансирање на МИА Агенциската школа за новинарство е поддржан од УСАИД, а предвидено е тој да се реализира во три фази.
Учесниците на обуката во првата фаза ќе имаат можност да се запознаат со генералните ЕУ политики и институции поврзани со процесот на пристапување на Северна Македонија. Тренинзите се посветени на историјата на ЕУ, институциите на Унијата и процесите на носење одлуки, искористување на ЕУ фондовите и политиката на ЕУ за соседство и пристапување. Во првата фаза се вклучени тројца обучувачи од кои двајца локални, а еден е меѓународен експерт.
Втората фаза вклучува специфични обуки за пет поглавја од преговорите со ЕУ – Правосудство и фундаментални права, Правда, слобода и безбедност, Животна средина, Јавни набавки, Информатичко општество и медиуми, Образование и култура. Во оваа фаза се вклучени меѓународни експерти-обучувачи.
Третата се состои од практична изработка на стории во три земји-членки на Унијата од регионот, поврзани со пристапувањето на тие земји во Унијата и како сето тоа може да се имплементира кај нас.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка