Тачи: Следната година на економски план ќе се влошува уште повеќе, единствена надеж ни се ЕУ и САД

– Претседателот на Демократската партија на Албанците (ДПА) Мендух Тачи на предновогодишната средба со сопартијците и медиумите истакна дека војната во Украина и оттаму произлезената меѓународната економска криза како годинава ќе биде главна карактеристика и проблем тука и во 2023 година. Според него за државата спасот е поддршката од ЕУ и САД.

-Моите политички анализи покажуваат дека прошлата година ќе остане забележана по агресијата на Русија и војната против Украина која ја дестабилизираше целата меѓународна заедница нормално и нас тука. Втора работа што произлегиу од ова е тешката економска криза. Не спаѓам во редот на тие политичари кои секој ден нудат надеж без покритие. На жалост морам да кажам дека следната година од економски план ќе се влошува уште повеќе. Единствена надеж наша е ние да бидеме со нашите меѓународни партнери ЕУ и САД кои ни помагаат и се надевам дека и понатаму ќе економски ќе ни помагаат, порача Мендух Тачи.

ДПА следната година 2023 година ќе одбележи 30 години од основањето.