Трагедија го потресе Тетово: Загина млад моторциклист

Моторциклист го загубил животот по тешката сообраќајна несреќа што вечерва околу 19 часот се случила на булеварот „Маршал Тито“ во близина на железничкиот надвозник на излез од Тетово.

Според портпаролот на СВР Тетово Марјан Јосифовски, тетовчанецот Е.А.(26) од засега неутврдени причини загубил контрола на моторциклот што го управувал и што бил без регистарски таблички, по што удрил во заштитната метална ограда. Од ударот тој се задобил со тешки телесни повреди и веднаш бил однесен во тетовската Клиничка болница, но лекарите само ја констатирале неговата смрт.

- Полицијата го обезбедува местото каде што се случила сообраќајната несреќа и заедно со јавен обвинител ќе изврши увид за утврдување на причините, рече Јосифовски.