Трамп во Вашингтон ќе се сретне со Порошенко

Украинскиот претседател Петро Порошенко ќе се сретне денеска во Вашингтон со американскиот колега Доналд Трамп, соопшти неговиот кабинет. 

- Многу е важно што мојата средба, како претседател на Украина во Белата куќа ќе биде пред таа на Трамп со Путин, изјави Порошенко во соопштението. 

Ова ќе биде првата средба на украинскиот претседател со неговиот американски колега, кој стапи на должност на 20 јануари.

Претходно Белата куќа соопшти дека Трамп ќе се сретне со Порошенко. Украинскиот претседател, кој според програмата ќе се сретне со попретседателот на САД, Мајк Пенс, заедно со него на кусо ќе ја посетат Овалната соба, каде Трамп ќе има работна средба со својот советник за прашања за национална безбедност, Херберт Мекмастер.