Три дена не се собира сметот од контејнерите во Тетово
Трет ден штрајкуваат работниците од „Комунална хигиена“ при Јавното комунално претпријатие (ЈКП) Тетово поради неисплатени плати и затоа не се собира сметот од контејнерите. Околу контејнерите веќе се создаваат големи купишта отпад.
-Три дена по ред доаѓаме во кругот на „Комунална хигиена“ при ЈКП Тетово кај населбата Теќе и не одиме на терен, седиме тука и штрајкуваме. Вака ќе биде како што најавивме на првиот ден сè додека нема исплата на заостанатите плати и придонеси. До тогаш нема да се собира сметот. Во контакт сме и со дирекцијата и со претставници на словенечката компанија која треба да не преземе. Од Словенците добивме ветување дека за работата во декември плата редовно ќе се исплати во јануари. Останува на општината и дирекција да ги исплатат заостанатите плати, информираа работниците од „Комунална хигиена“.
По почнувањето на штрајкот во вторникот, Општина Тетово испрати допис до медиумите во кој образложија дека ќе обезбедат исплата на заостанатите плати. Според нив, формирањето на две нови комунални претпријатија и соработката со словенечката фирма преку јавно приватно партнерство е начинот на кој ќе се обезбеди трајно решение.
На почетокот на ноември општина Тетово потпиша договор со претставници на словенечката компанија од групацијата Саубермахер за јавно приватно партнерство со кој на фирмата и се отстапува стопанисувањето со отпадот.
И во декември 2022 работниците на Комунална хигиена штрајкуваа и не работеа поради доцнењето на платите. Тогаш Општина Тетово префрли пари на сметка на комунално претпријатие за да се исплатат неисплатените плати и придонеси.
Ново на Сител
-
Во полиција задржани тројца кавадарчани, едниот бил агресивен и се заканувал кон полицајци, двајца спречувале преземање на службени дејства
-
Тешко повреден малолетен пешак во Куманово по удар на автомобил
-
Експлозија во магацин за пиротехника во Бугарија
-
Продолжи собраниската комисиска расправа за ребалансот на Буџетот
-
Второто злато на ОИ 2024 за Кина
-
На „Богородица“ и „Табановце“ зголемен интензитет на сообраќај
-
СВР Скопје расчисти кривични дела „убиство“ и „убиство во обид“, кои се случија месецов, поднесени пријави против три лица
-
Унгарија го зема најголемиот кредит досега од Кина – Позајмица од милијарда евра