Три медали за македонските натпреварувачи на фудокан првенството во Полска

 

Македонскиот национален тим освои три медали, од кои еден сребрен и два бронзени на Европското првенство во карате фудокан во Краков, Полска.

 

Во сениорска конкуренција второ место во кати освои Дејан Недев.

 

Бронзени медали освоија Јадранка Недева во сениорска конкуренција дисциплина – фукуго.

 

За Македонија бронзен медал во јуниорска конкуренција обезбедија Огнен Тасевски и Берта Милевска во дисциплината енбу мешани двојки.

 

На ова натпреварување учествуваа преку 1.500 каратисти од 38 земји.