Три сообраќајки во Тетовско, неколку повредени
Две сообраќајки со повредени лица и пријава за намерен судир на возила по претходен инцидент, евидентира СВР Тетово во последните 24 часа.
–На булеварот „Маршал Тито“ кај Центарот за култура синоќа околу 21 часот патничко возило „опел корса“ со тетовски регистарски ознаки, управувано од Ш.З.(53) од Тетово удрило во Е.А. (67) и Ф.М.(62), двете од Тетово. По незгодата, на повреди се пожалила Е.А. која била пренесена во Клиничка болница Тетово за укажување лекарска помош, соопшти полицијата.
Претходно, во текот на денот, на улицата „171“ во Голема Речица имало сообраќајка меѓу моторно возило и мотоцикл „филјанг“ со тетовски регистарски ознаки, управувано од Б.А. (46) од Тетово. По незгодата возилото заминало, а Б.А. и неговиот 12-годишен сопатник, двајцата од село Пирок, биле пренесени во Клиничка Болница Тетово за укажување на лекарска помош.
Во полицијата има и две пријави од две групи лица за ист инцидент.
-Во 1.40 часот во Полициска станица Тетово А.М.(24) и Л.С., и двајцата од тетовското село Челопек, пријавиле дека околу 23.30 часот, додека се движеле со нивното возило „голф 6“, со тетовски регистарски ознаки по регионалниот пат Тетово-Јажинце, биле намерно удрени од Б.И. од Порој со возило ,,пасат“, со тетовски регистерски ознаки во кое има уште едно лице од исто место. Претходно околу 00.15 часот Б.И. од с.Порој пријавил дека во непосредна близина на бензинска пумпа во селото бил физички нападнат од лицето А.М. и уште две непознати лица. По насоки од Јавен обвинител се преземаат сите мерки и активности за целосно расчистување на случајот, при што ќе следи и соодветен поднесок, информира СВР Тетово.
Ново на Сител
-
Со автоматска пушка влегол во казино и одзел над 5000 евра
-
Локалните избори во Србија и изборите во Белград ќе се одржат на 2 јуни
-
АСО: Неоправдано е поскапувањето на полисите
-
Со лажен сертификат за англиски јазик аплицирала за директорка и добила работа, сега ќе одговара кривично
-
Ким Џонг-ун надгледуваше пробно истрелување ракети
-
Учениците од понеделник на пролетен распуст, наставата ќе продолжи на 7 мај
-
СПМ: Вториот круг претседателски избори ќе базира на резултатите од првиот
-
Мицотакис: Грција нема да испрати во Украина системи С-300, ниту „Патриот“