Уапсен еден малолетник осомничен за лажната терорстичка тревога во Париз

Два дена по лажната тревога за терористички напад во една црква во центарот на Париз, кој предизвика движење на паника и интервенција на силите на редот, полицијата уапси еден малолетник на возраст од 16 години, јавува дописникот на МИА од Париз.

За лажната тревога одговорноста ја презедоа, односно се пофалија на социјалните мрежи двајца малолетници. Едниот од нив под псевдоним Закхаев Јамаха на Фејсбук се фалеше дека тој го напаравил тоа, пред да го исклучи својот профил.

Двајцата беа интервјуирани од повеќе француски медиуми и нормално е што полицијата успеа да стигне до нив. За давање на лажна тревога се предвидени казни затвор до две години и парична казна до 30.000 евра, според кривичниот закон.