Утре почнува Рамазан
Светиот исламски лунарен месец Рамазан во Саудиска Арабија и Обединетите Арапски Емирати почнува во сабота, соопштија синоќа верските власти во двете земји, пренесоа француските медиуми.
Комисиите, што го следат лунарниот годишен циклус, утврдија дека вчеравечер не било можно да ја видат младата месечина, што се појавува на почетокот на новиот месец, па соодветно на тоа постите ќе почнат во сабота, соопштија медиумите.
- Во сабота почнува Рамазанот и во Либан, изјави муфтијата на Земјата на кедарот, шеикот Абделатиф Деријан.
Во шиитски Иран канцеларијата на врховниот лидер Али Хаменеи уште не го објавила датумот за почетокот на постите.
Рамазан е месец на простувањето, покајувањето и милосрдието, можност муслиманите да станат сочуствителни со луѓето кои имаат потреба од помош, доброволно лишувајќи се од храна и вода.
Секој правоверен, кој ќе ги почитува постите, не треба да јаде, ниту да пие од изгрејсонце до зајдисонце. Во тоа време треба да се воздржува и од сексуални контакти.
Над 1,5 милијарда верници од цел свет во текот на следниот месец планираат да ги спроведуваат постите, пракса што се смета за еден од столбовите на исламот. Од оваа обврска, меѓутоа, ослободени се патниците, воините, возрасните и болните луѓе, бремените и жените кои дојат, забележува ТАСС.
Ново на Сител
-
Пет лица загинаа, а најмалку 15 се ранети во рускиот напад врз областа Харков
-
Судот во Лондон утре ќе одлучува за екстрадицијата на Асанж во Америка
-
Герапетритис: Граѓаните на Северна Македонија не би сакале да се стават во опасност односите со Грција и ЕУ перспективата на земјата
-
Преодно стабилизирање на времето се очекува во петок
-
Косово и САД потпишаа договор за борба против манипулирањето на информации од други држави
-
Вучиќ најави дека утре ќе отпатува во Њујорк за да се спротивстави на усвојувањето на резолуцијата за Сребреница
-
Лидерите на „ВРЕДИ“ на средба со Албин Курти
-
Нетанјаху го обвини Ганц дека „му дал ултиматум на премиерот, наместо на Хамас"