Ван дер Варт: Прекрасно репрезентативно збогување на „македонскиот Јохан Кројф“
Поранешниот долгогодишен холандски репрезентативец Рафаел ван дер Варт (38) изјави дека со многу емоции го проследил последниот настап на неговиот врсник Горан Пандев во црвено-жолтиот дрес, нарекувајќи го „македонскиот Јохан Кројф“.
Пандев како рекордер според бројот на настапи (122) и постигнати голови (38) во македонската репрезентација во понеделникот против Холандија на ЕУРО2020 се збогуваше од националниот дрес, испратен со стоечки овации на стадионот „Јохан Кројф“ во Амстердам и специјален дрес од холандската репрезентација со бројот 122.
– Тоа беше прекрасен гест. Се наежив и ми се насолзија очите. Мислам дека беше прекрасно што еден таков голем играч доби такво испраќање, изјави Ван дер Варт, кој е стручен коментатор на холандската национална телевизија „NOS“ за ЕУРО2020.
Споредувајќи го Пандев со најдобриот холандски фудбалер на сите времиња Јохан Кројф, поранешниот член на Реал Мадрид и Тотенхем со многу комплименти зборуваше за довчерашниот македонски капитен.
– Секогаш кога Пандев ќе дојде во контакт со топката веднаш нешто се случува на теренот. Навистина, прекрасен играч, додаде Ван дер Варт, кој за холандската репрезентација одигра 109 натпревари, а по завршувањето на кариерата во 2019 година стана професионален играч во пикадо.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп