Ванг Ји: Односите меѓу Кина и САД би можеле да се вратат на вистински пат
Односите меѓу Кина и САД се наоѓаат на крстосница и би можеле да се вратат на вистински пат по периодите кои ги обележаа проблеми, изјави кинескиот министер за надворешни работи Ванг Ји.
Ванг на брифинг со новинарите на државната агенција Синхуа и други кинески медиуми истакна дека американската политика им наштетила на односите меѓу двете држави, но и на светот.
– Но сега се појави можност двете страни да отворат нов прозорец на надеж и да почнат нова рунда дијалози, додаде Ванг.
Тој ги повика САД да го почитуваат општествениот систем и развојниот пат кој го избрала Кина, нагласувајќи дека доколку Вашингтон го прифати тоа, тогаш споровите меѓу двете земји би можеле да се решат.
Шефот на кинеската дипломатија истакна пред новинарите дека кинеско-руските односи го издржале тестот на пандемијата на коронавирусот во 2020 година и се на историски највисоко ниво.
– Односите меѓу двете земји се на историски највисоко ниво. Претстојната година ќе биде посебно важна за кинеско-руските односи. Двете држави влегуваат во нова фаза на развој. Нема крај за кинеско-руската стратешка соработка, не постојат граници, изјави Ванг.
Ново на Сител
-
Структурни реформи веднаш, за поголем економски раст
-
Македонците најмногу трошат на „Букинг“, а најмногу купуваат на „АлиЕкспрес“
-
Демири го разреши само медицинскиот директор на Токсикологија, но не и Бесија Иљази
-
Отворен Центар за поддршка и советување на момчиња и мажи
-
ДИК прифати 7 приговори - Ќе се прегласува во Крушево, Охрид и Желино
-
Дом за стари лица во Прилеп инсталираше фотоволтаични панели
-
Преглед на вестите од светот
-
Ќе се прегласува во Желино - ДИК прифати приговор на коалицијата ВРЕДИ