Васил Гарванлиев замина во САД: Нема никогаш да престанам да пеам за Македонија
Струмичкиот музичар Васил Гарванлиев кој во 2021 ја претставуваше Македонија на Евровизија, веќе еден месец е во Чикаго, САД, пишува Фокус.
Талентираниот баритон, кого јавноста го запозна како дете кое остави хит композиција зад себе на детскиот фестивал ,,Златно славејче”, за да потоа со родителите се пресели во Чикаго, во земјава се врати пред три години.
Од кога се врати тој се посвети на градењето на кариера во Македонија, каде и покрај искрената намера да ја освои публиката со музика и пораки за љубов, беше дочекан, но и испратен на Евровизија со низа на предрасуди и напади.
-Горчливо е чувството да не се чувствуваш безбедно дома и не му го посакувам никому. Но, свесен сум дека ние луѓето, како што всушност и кажав во нашата тема годинава на Евровизија, ,,Here I stand” – сме огледало на туѓата несигурност.
Васил раскажува дека се вратил во Македонија со чиста визија и чек листа на желби, но дека проблемот во Македонија е во тоа што ние не знаеме што сакаме и погрешно ја насочуваме нашата енергија, наместо кон наш успех – кон туѓ неуспех.
Нема никогаш да престанам да пеам за Македонија.Тоа го правам во последните 30 години, така и ќе продолжам – вели Васил, кој летово имаше низа на настапи на Скопско лето, на Парадата на гордоста во Скопје и Софија, Nisville Jazz festival, Eurovision Song writing camp.
Сега, кога повторно е во Америка, за раскажува дека има турбулентен период, исполнет со убави настани, снимања, гостувања, дружби со тамошната публика, на кои за разлика од кај нас, во неговата родна земја, е дочекан со овации.
-Минатата сабота имавме 65-годишнина од хорот, прекрасна Гала вечера на која ја запеав ,,Here I stand” заедно со хорот од стотина деца. Магично чувство! Имам настапи, снимања, се крчкаат нови проекти, паралелно и со агенти од Лондон, вели Васил.
-Јас без разлика каде сум, нема никогаш да заборавам од каде доаѓам и гордо ќе стојам со и за тоа. Македонскиот албум ,,Судбина” е готов и за сега стои во фиока. Во моментов спремам неколку улоги, концерти, видео, и го снимам мојот прв Англиски ЕП, изјави музичарот.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО