-->
-->
Вечер на староградска музика во Делчево
-->
Во организација на Центарот за култура „Никола Јонков Вапцаров“, во Делчево се одржа вечер на староградска музика. Концертот го отвори домашната женска пејачка група „Ѓурѓа“ и оркестарот „Пијанечки еснафи“, додека свој настап со традиционална хорска музика имаше и Градскиот хор од Штип. За диригентот Ивана Јанкова, беше чест по втор пат, составот од Штип, да настапи во Делчево.
-На наше огромно задоволство Градски хор-Штип во една година по втор пат гостува во вашиот град. Нашиот репертоар е во склад со празниците овие денови. Концертот се вика „Во духот на традицијата“, а на програмата се македонски љубовни песни од сите жанрови, поп, рок, народни и староградски во хорско руво, истакна Јанкова.
Концертот, како што рече директорот на Центарот за култура, Методи Толевски, е најава за продолжението на проектот „Вечер на серенади“ во чии рамки нови староградски рефрени се најавени за идната среда.
-После овој концерт, со проектот „Вечер на серенада“ продолжуваме во среда на 11 септември, кога очекуваме да ни гостуваат староградски групи од Берово, Виница, Свети Николе и музичко дуо од Република Бугарија. Се надеваме дека публиката уживаше вечерва, а ќе присуствува во голем број и наредната среда, рече Толевски.
Синоќешниот концерт делчевскиот Центар за култура го реализираше во соработка со општината, како дел од одбележувањето на 75 години од ослободувањето на Делчево и 28 години од Денот на независноста на Македонија.
-->
-->
-->
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o