Велешанец ограбен среде Скопје, разбојници му се заканиле со пиштол

Вчера вечер околу 20.45 часот во Скопје на ул. „Душко Поповиќ“ две непознати маскирани лица, вооружени со пиштол, извршиле разбојништво над Ј.Ф. (24) од с.Горно Јаболчиште, велешко.

Сторителите му пришле од позади грб и упатувајќи му разни навредливи зборови му побарале пари, по што Ј.Ф. од извадил околу 6.600 денари и му ги дал на едно од лицата. 

Во тој момент еден од сторителите со пиштолот го удрил во пределот на десното око, нанесувајќи му видлива повреда. 

Од ударот Ј.Ф. паднал на земја, а сторителите побегнале во непознат правец. 

Се преземаат мерки за пронаоѓање на лицата и за целосно расчистување на случајот.