Владата ги финишира деталите околу петтиот пакет мерки помош на стопанството

Владата го најави – бизнисот чека средба. 5 пакет антикризни мерки ќе биде донесен последната недела на  јануари или почетокот на февруари. Од Стопанските Комори велат – до крајот на неделава состанок не е закажан. Најверојатно ќе се одржи наредната недела, неколку дена пред да се обелодени помошта за стопанството. Во пакетот, според министерот за економија предвидени се субвенции за најпогодените сектори – туризмот и угостителството.

Ваучерите за туризам повторно влегуваат во игра. Ќе бидат ли и тие дел од пакетот? Бектеши ги најави до првата половина на годинава. Но нема да има за сите со ниски примања, туку само за најбрзите – ќе се делат по принципот – прв дојден, прв услужен. И наместо по 100, на државен трошок, граѓаните кои ќе имаат среќа, ќе летуваат со 200 евра. За мерката се предвидени 244 илјади евра, и според пресметките на Сител, ваучер ќе добијат само 1,200 лица. 

Поддршката ќе изнесува 12.000 денари од апликант, а јавниот повик ќе биде објавен во првата половина од годината по принципот прв дојден, прв услужен. Оваа година, за таа намена се предвидени вкупно 15.000.000 денари за организиран одмор на работници со ниски приходи чии месечни примања во семејството не го надминуваат нето износот од 30.000 денари“, рече министерот за економија Крешник Бектеши.

Инаку, барањата на бизниот за полесно надминување на последиците од ковод кризата, се продолжување на мерката иплата на минимална плата, евтини кредити, гаранации од државата при земањето кредит, борба со сивата економија. Бектеши најави дека 5 сет ќе вреди 50 милиони евра. Според податоците на УЈП, за исплата на минимал плата за октомври, ноември и декември потрошени се нешто над 44 милиони евра.