Во Германија, по грешка, на негователи им била дадена петкратна доза од вакцината

Како што пренесува германски „Билд“, вакцинирани биле седум жени и еден маж, а половина од нив по вакцинирањето имале симптоми на грип.

Според властите од округот Формпомерн-Риген, четворица од нив биле хоспитализирани и докторите будно ја следат нивната здравствена состојба.

Во соопштението на локалните власти е наведено дека од производителот на вакцината, „Бајонтек“, соопштиле дека во првата фаза од студиите, поголеми дози биле тестирани кај луѓе и целиот процес поминал без последици.

„Тоа е шишенце со повеќе дози, чија содржина треба да се раствори“, стои во соопштението на „Бајонтек“.