Балкан
24. јуни 2021 - 8:27

Во Грција се укинува мерката за задолжително носење маска на отворено

Грчкиот заменик министер за цивилна заштита, Никос Хардаљас, вчера соопшти дека од денес, во 5 часот наутро, се укинува мерката за задолжително носење маска на отворено. Препораката е маските, сепак, да се носат на места што, иако се на отворено, во нив  има турканици. Во затворен простор препораката за задолжително носење и натаму важи.

Од понеделник, 28 јуни, се укинува и полицискиот  час, а на масите во угостителски објекти ќе биде дозволено да седат до 10 лица

-Јасан и подобрена е епидемиолошката слика во земјата, изјави членката на Комитетот за инфективни болести и владин советник, Вана Папаевангелу, додавајќи дека изгледите се добри.

Таа додаде дека се додека вирусот циркулира меѓу луѓето, нема простор за самозадоволство. Папаевангелу изјави дека колку подолго циркулира вирусот, толку се поголеми шансите за нови мутации.