Во Иран нови 200 смртни случаи од Ковид-19

Во Иран, 200 лица починаа во претходните 24 часа од последиците од Ковид-19, најмногу во еден ден откако се прошири пандемијата во таа земја.

Вкупниот број на смртни случаи во Иран од оваа болест е 11.931, додека од почетокот на пандемијата, регистрирани се 245.688 случаи на инфекција, од кои 2.637 во текот на претходниот ден.

До вчера, во Иран најголем пораст на бројот на смртни случаи за еден ден беше 163, но црниот рекорд беше соборен во следните 24 часа со 200 потврдени смртни случаи.

Дневниот број на заразени со коронавирус и смртни случаи во Иран се зголеми нагло во текот на изминатата недела, откако властите почнаа постепено да ги ублажуваат ограничувањата наметнати кон средината на април.