Во Кочани направени 15 скрининг тестови на КОВИД-19, резултатите се негативни
Во пунктот за скрининг тестови во Центарот за јавно здравје во Кочани вкупно 15 граѓани направиле контрола за присуство на КОВИД-19 и сите покажале негативни резултати.
Лицата се тестирани поради сомнителни здравствени симптоми, а по претходен упат од матичен лекар. Инаку, во пунктот се контролираат граѓаните од општините од источниот регион за кои е надлежен кочанскиот Центар за јавно здравје.
Од општинските кризни штабови во Кочани и Виница информираа дека е преполовен бројот на граѓаните во домашна изолација и во моментот оваа мерка се спроведува за 60 лица во Кочани и за 67 лице во Виница. Според информациите од службите кои контактираат со нив, засега ниеден не покажува симптоми на КОВИД-19.
-Во Здравствениот дом во Виница на располагање се девет лекари во Итната медицинска помош кои ротираат во смени и за кои се набавува соодветна заштитна опрема. Исто така, адаптирано е едно возило, како и просторија за прием на лица со КОВИД-19, доколку има потреба. Во болницата сите термини за прегледи се откажани, а матичните лекари можат да се контактираат исклучиво телефонски, информираа од општинскиот Кризен штаб во Виница.
Мобилните тимови на општинските организации на Црвен крст од Кочани и Виница располагање имаат дваесетина волонтери кои им помагаат на 40 семејства од социјално ранливите категории, а организираа и акции за крводарување при што собрани се 50 крвни единици.
Од Кризниот штаб на Кочани информираа дека е голем интересот за дезинфекција во производните хали на претпријатијата, така што екипите од Територијалната противпожарна единица кои го вршат прскањето во деновите од викендот ќе работат во две смени.
Ново на Сител
-
Со нож и се заканија на претседателката на Уставен Кацарска
-
Запален службениот автомобил на директорот на Идризово- оштетена и блиската зграда
-
Уставен го одби барањето на судиите да го врати коефициентот за повисоки плати
-
Европскиот фронт најави тужби до Управниот суд и кривични пријави за членовите на ДИК
-
Без средба, само консултации за идното владино коалицирање
-
Следната недела СДСМ ја почнува постапката за избор на ново раководство
-
МЗ како портпарол на Токсикологија со обвинувања за Нико Беќаровски - професорот негира и најави тужба
-
Македонија 2025: Дијаспората сака да помогне, власта нема слух