Во Парагвај запленети рекордни 3,4 тони кокаин

Парагвајската полиција соопшти дека во предградие на Асунсион запленила над 3,4 тони кокаин, скриен во товар шеќер наменет за извоз,.

Дрогата била пронајдена во контејнер во изнајмен магацин и тоа е најголемата заплена на кокаин во историјата на Парагвај. Наведено е дека истрагата траела речиси еден месец.

Претходна рекордна заплена на дрога беше во октомври во приватното пристаниште Вилет, на околу 40 километри од Асунсион, каде во вреќи со јаглен беа пронајдени 2,9 тони кокаин.