Во Пехчево презентирани резултатите од проектот „Жалфија – Лек за век“

-Целта на овој проект е да мотивираме дел од младата популација во двата региона Пелагонсикиот регион и Малешевскиот регион да почнат со одгледување на жалфијата која сметаме дека е една од оние видови ароматични лековити и медицински растенија која може да донесе дополнителен пригход во семејствата. Активностите се спроведуваа со млади од три села во Пелагонискиот регион и три села во Пехчевскиот регион на кои им беше доставено семенски материјал од жалфија, беа засадени одредени површини како расад и во делот на овој период кој следи ќе треба тој расад да се засее на поголеми површини, инфомира Андонов.

 

Заедничкото гледиште на здруженијата „Молика Дом“ и „Кладенец“ е проектот да продолжи понатаму со вклучување на бизнис секторот

 

-Бизнис секторот на некој начин би бил наш партнер преку вршење откуп на оваа суровина како прозивод со што идејата би била одржлива. Одржливоста ја планираме на тој начин што ќе создадеме еден вид задруга. која ќе има можност да одреди поголема количина на жалфија и одредена заштитна цена, додаде Андонов.

 

Проектот финансиски е поддржан од мрежата за рурален развој на Република Македонија во рамки на проектот „Градење на капацитетите на МРР и нејзините членки финансиран од We Effect – Шведска.