Во Санкт Петербург убиени четворица осомничени екстремисти

Во акција на припадници на руската служба за безбедност во Санкт Петербург убиени се четворица вооружени екстремисти, соопшти портпарол на истражниот одбор. Владимир Маркин.

Операцијата била спроведена во станбена зграда која од утрово била под опсада на припадници на Федералната безбедносна служба.

Акцијата била спроведена против поединци кои биле на потерници заради припадност во екстремистички групи од територијата на Северен Кавказ. Тие биле осомничени и за нелегална трговија со оружје, муниција и експлозиви.

– За време на опсадата четворицата осомничени даваат отпор. Следуваше размена на оган во која се убиени сите четворица осомничени, изјави Маркин. Во акцијата не е повреден ниту еден руски припадник на ФБС.