Во Србија се очекуваат над 2.000 заболени, речиси пополнети капацитетите на болниците во Белград
Сосотојбата со епидемијата со Ковид-19 во Србија се влошува, денеска се очекуваат над 2.000 заболени, а во болниците во Белград има места уште за денеска и утре.
Премиерката Ана Брнабиќ изјави дека денеска се очекуваат над 2.000 инфицирани со новиот коронавирус, од кои, според неа, повеќе од 1.000 се само во Белград.
– Епидемиолошката состојба во земјата, без сомнение, ќе се влошува. Секој ден е важен за нас сè додека не ги завршиме двете нови ковид болници (Батајница и во Крушевац). Тогаш ќе биде полесно за нашиот здравствен систем, а тоа ќе биде во декември, изјави Брнабиќ.
Таа најави дека здравствените работници ќе добијат еднократна награда од 10.000 динари (85 евра) до крајот на годината.
Српскиот министер за здравство, Златибор Лончар денеска изјави дека во изминатите 24 часа на болничко лекување се задржани 400 пациенти и дека 150 лица од тој број се задржани во Белград.
Лончар предупреди дека состојбата во болниците е алармантна и дека во Белград има уште 300 слободни места „за денеска и утре“.
Поради големиот број дневни приеми на пациенти во болниците, Лончар оцени дека постои опасност да се исцрпат капацитетите на здравствениот систем, бидејќи непостои неограничен број на обучен здравствен персонал.
Со коментар денеска се јави и епидемиологот д-р Предраг Конкој, кој наведе дека моменталната епидемиолошка состојба во главниот град на Србија е таква што бројот на заразени е 10 пати поголем од она што го покажуваат бројките и дека Белград ќе биде место од кое вирусот ќе се шири во други краеви.
Тој посочи дека Србија не смее да дозволи полнење на болниците со пациенти и да се случи повеќе да нема места.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228