Во Тетово фатени тројца Косовци без документи за идентификација

Тројца државјани на Косово Ј.А.(20), Р.С.(23) и А.С.(21) вчера околу 1 часот по полноќ биле приведени од полицијата поради немање документи за идентификација и нерегулиран престој во нашата земја.

- Тројцата биле во алкохолизирана состојба и со видливи повреди кои претходно ги задобиле, според нивното кажување, при физички напад кој се случил во угостителски објект во Тетово, информира портпаролот на СВР Тетово Марјан Јосифовски.

Тој поосчи дека по приведувањето и задржувањето во полиција денеска ќе бидат предадени во Отсекот за прекуграничен криминал, миграции, странци и реадмисија, додека напоредно со тоа се преземаат мерки и активности за расветлување на тоа, како и од кого биле повредени пред приведувањето.